Қалам
қағаздың орнына - ойын алаңы мен былғары доп. Астанада қазақтың дарынды ақыны,
көркем аударма өнерінің үздік шебері Қасым Аманжолов атындағы Кубок үшін
футзалдан турнир өтті.
Мәдениет
саласының қызметкерлерін және БАҚ өкілдерінің басын біріктірген тартысты дода
2013 жылдан бері ұйымдастырылып келеді. Сол кезден бері бұл турнир «Нұр Отан»
партиясының тікелей қолдауымен жылына екі рет өтеді. Осы жолғы кездесуде Астана
мен Қарағанды қаласының қаламгерлері, мәдениет пен БАҚ өкілдері сахнада емес,
ойын алаңында бақ сынасты. «Қасым» кубогы үшін турнирде алты команда ойын
көрсетті.
Берік
Уәли, «Нұр Отан» партиясы төрағасы
бірінші орынбасарының кеңесшісі:
Қасым
ағамыздың атындағы Кубок басында алғашында жолдастық кездесу ретінде
басталған. Кейіннен, міне, өзі екі команда ойнаса, қазір алты команда болып, ауқымы кеңейіп жатыр. Мен ойлаймын, бұған енді басқа облыстардағы мәдениет,
өнерде жүрген жігіттер атсалысуға қазірдің өзінде қызығушылық бар. Сол себепті
кейіннен өзі ауқымын кеңейтетіні айқын.
Берік ХАСЕНОВ
