«Ұлы Дала Батырлары» өнер жұлдыздарын басып озды. Демалыс күндері футболдан танымал әншілер мен
белгілі спортшылар арасында өткен жолдастық кездесу 1:3 есебімен аяқталды. Матч
барысында қос құрама барынша белсенді ойын көрсетті. Әншілер командасы матч
алдындағы баспасөз жиынында жылдамдыққа ден қоятынын айтқан. Спортшылар
құрамасының да жеңіске ұмтылғаны көрініп тұрды. Оған бірінен кейін бірі
ұйымдастырылған шабуылдар дәлел. Десе де, 35 минуттық екі таймда да қақпаға доп
кірмеді.
Мықтының мықтысы, кездесуден кейінгі пенальтиде анықталды. «Ұлы Дала Батырлары» командасының үш голына «Алатау» құрамасы жалғыз
доппен жауап қайтара алды. Матч соңында эстрада жұлдыздары өнер көрсетті. «Нұр Отан» партиясы мен Мәдениет және спорт министрлігінің қолдауымен
өткен шараны «ALASH-Production» агенттігі ұйымдастырған.
Берік Уәли, «Нұр Отан» партиясы
төрағасы бірінші орынбасарының кеңесшісі:
Бұл енді үлкен бір сәтті жоба
деп есептейміз. Бұл арқылы бұқаралық спортты дамыту, жастарды осы спортқа баулу
және де мына байланысты ұлғайту болып табылады. Ең бастысы - бұл жерде нәтиже
емес, бұл жерде адамның көптеп жиналып, жастардың, қоғамның бұқаралық спортқа,
салауатты өмір салтына назар аудару. Бұл үдеден біз шықтық деп айта
аламыз.
Жұрағат БАМАН
