«АҚШ
билігі «ДАИШ» террорлық ұйымы Иракта химиялық қару қолдануы мүмкін» деп
күдіктеніп отыр», - деп жазады Wall Street Journal. Американың жоғары лауазымды
шенеуніктері содырлар күрдтерге қарсы
улы иприт немесе газ қолданды деген жорамал жасауда.
Сирия - осыдан екі жыл бұрын
улы қаруы бар екенін ашық айтқан мемлекет. Ендеше, ұйым ипритті осы елден табуы
ықтимал, - деп жазады басылым. АҚШ арнайы қызметі бұл ақпарды жан-жақты зерттеуге
кірісіп кетті.
«ДАИШ»-пен күрес мәселесі жуырда Мәскеуде де қозғалды. Келіссөздер
үстелінде Сирия оппозициясы өкілдері мен Ресей сыртқы істер министрі Сергей Лавров кездесті.
Айта
кетейік, алдыңғысы бұған дейін Ресейдің ара ағайындығынан үзілді-кесілді бас
тартқан. Мәскеу қақтығысқа қатысушыларды содырларға қарсы күш біріктіруге
үндеуде. Алайда Сирия оппозициясының Асад үкіметімен қызметтес болғысы жоқ.
Азамат АЛДОҢҒАРОВ
