Еліміздің
он аймағында өте жоғары өрт қаупі сақталуда. Бұл Атырау, Ақтөбе, Қызылорда, Оңтүстік Қазақстан, Жамбыл, Алматы,
Қарағанды, Батыс Қазақстан, Қостанай және Шығыс Қазақстан облыстарына қатысты.
Осыған орай Төтенше жағдайлар комитеті, азаматтарды отты пайдаланғанда, аса сақ болуға, шақырады.
Синоптиктер алдағы күндері еліміздің басым бөлігінде жауын-шашынсыз ауа райы
сақталып, кей жерлерде шаңды дауыл күтіледі деп болжап отыр. Жоғары температура
бүгін Астанада да байқалды. Сынап
бағанасы күндіз Елордада +32 градусты көрсетті. Қазгидрометтің болжамы бойынша, дәл осындай ауа райы алдағы екі тәулікте сақталуы ықтимал.
Азамат АЛДОҢҒАРОВ
