Бүгін
Парламент Мәжілісінің жалпы отырысында палата депутаттары Мәжіліс Төрағасының
орынбасары етіп депутат Абай Тасболатовты сайлады. Конституцияға сәйкес Мәжіліс Төрағасының орынбасарын Палата төрағасы ұсынады. Осыған орай, спикер
Қабиболла Жақыпов өзінің орынбасары ретінде Абай Бөлекбайұлы Тасболатовтың
кандидатурасын ұсынған болатын. Бұған палата депутаттары бірауыздан қолдап,
дауыс берді.
Еске сала кетейік, бұған дейін Мәжіліс вице-спикері лауазымын
атқарған Дариға Назарбаева Президенттің Жарлығына орай Премьер-министрдің
орынбасары қызметіне тағайындалған.
Мөлдір БАҚЫТҚЫЗЫ
