«Астана»
футбол командасының жастар құрамы УЕФА жасөспірімдер лигасында «Атлетикодан» өз
алаңында 9:0 есебімен жеңілді. Қонақтар ойынның екінші кезеңінде жеті минутта
төрт бірдей гол салған. Бұл астаналық команданың екінші жеңілісі. Испанияда
болған алғашқы матчты елордалықтар 4:1
есебімен аяқтаған.
Ал бүгін Астана Аренада «Астана» клубының ересектер
құрамы Чемпиондар лигасының төртінші кезеңінде «Атлетикомен» бақ сынасады.
Стойлов шәкірттері Испанияда 4:0 есебімен есе жіберді. Астаналықтардың ойынына
негізгі құрамдағы алты ойыншының жоқтығы әсер еткен. Ал бүгінгі ойын туралы
испандық ақпарат құралдары, «ойын оңайға соқпайды» деп жазуда. Оған себеп - арқаның аязы мен стадиондағы жасанды газон.
Жұрағат БАМАН
