«Байқоңыр» ғарыш айлағының басшысы
Евгений Анисимов қызметінен кетті. Ресми дерек
бойынша, ол жеке себептермен орын тағын босатқан. Алайда «Коммерсантъ» басылымы
Анисимовтың «Роскосмос»-қа жаңадан тағайындалған басшылыққа жақпаған деп жазып
отыр.
Басылым, бірер күн бұрын ғарыш айлағы
басшысын «Роскосмос» басшысы Олег Остапенко Мәскеуге шақырып алып, кейін тіпті
қабылдамай қойғанын жазды. Іле-шала 54 жастағы
Евгений Анисимов қызметінен кететіндігін баяндап, өтініш жазған. Мұны «Роскосмос»-тың баспасөз қызметі
де растап отыр.
Сенімді дереккөздердің пайымдауынша,
Евгений Анисимов қызметінен кетуге ықылас білдірмеген. Айта кетейік, ол «Байқоңыр»-да
отыз жылдай қызмет еткен.
Әлия ӘШІМ
