Қарағандылық полицейлер қарға
батқан жүк көлігін кәдімгі күректің көмегімен аршып алды. Жол-патрульдік
полициясының батальон қызметкерлері Арман Сейітов пен Ерқанат Медетов
әдеттегідей «Алматы-Екатеринбург» тас жолында кезекшілігін атқарып жүрген. Жол бойында қалың қарға батып
қалған жүк көлігін байқап, бірден көмекке келеді. 40 градустық аяздың
салдарынан сіресіп қатқан қарды бұзу оңай болмады. Әйтсе де, полицейлер қолға
күрек алып, жұмысқа қызу кірісіп кетті.
Осылайша, «MAN» автокөлігін
арнайы техника келіп жеткенше, өздері қардан алып шыққан. Көлік жүргізушісі
бірнеше сағат бойы көмек күткен. Айтуынша, техниканың қозғалтқышы істен шығыпты.
Ләйлә ҚАЗИЯҚПАРОВА
