Бюджет қаржысын игермеген басшылар жұмыстан босатылсын. Қаржы
министрілігінің кеңейтілген алқа мәжiлiсiнде вице-премьер Бақыт Сұлтанов
осындай ұсыныс тастады. Жыл қорытындысы бойынша үш бірдей министрлік
миллиардтаған қаражатты игермепті. Үкімет басшысы Серік Ахметов бұл ұсынысты
құптады.
Бақыт Сұлтанов, ҚР Премьер-министрінің орынбасары, Қаржы министрі:
9 айдың қорытындысы бойынша тексеріс өткізіп, қаражаттың игерілмей жатқанын
анықтадық. Қоршаған ортаны қорғау және су ресурстары - 4 млрд, Білім және ғылым
министрлігі - 1,4 млрд және Ауыл шаруашылығы министрлігі 1,3 млрд теңге
игермеген. Сондықтан, біз жауапты басшыларды жазалау керек деп отырмыз.
Серік Ахметов, ҚР Премьер-министрi:
Я вот поддерживаю предложение министра, что по итогам года мы также, наверное, накажем, не наверное, а точно, если есть на это объективные причины
за не освоение бюджетных средств.
Қаржы министрінің келтірген мәліметтеріне сай, өңірлерде де жағдай мәз емес.
Алматы мен Маңғыстау облысында - 700 млн, Ақмола облысында - 500, Қызылорда,
Шығыс-Қазақстан, Павлодар облыстарында 300 миллион теңге игерілмеген.
Сондай-ақ, отырыс барысында Қаржы министрі Бақыт Сұлтанов Қазақстанның жыл
басынан мемлекеттік қарызы 12,8%-ға өскенін айтты. Оның негізгі бөлігін
үкіметтің міндеттемелері құрайды.
Ләйлә ҚАЗИЯҚПАРОВА