Қазақстанның алты электр стансасында отын тапшылығы сезілуде. Бұл туралы Индустрия және жаңа технологиялар министрлігі энергетикалық бақылау комитетінің
баспасөз қызметі хабарлады.
Үнемсіздік салдарынан алты электр станса
өздеріндегі қатты отынның тәуліктік қорын азайтып алған. 20 тәуліктік қорды -
«Теплокоммунэнерго» стансасы 8 тәулікке, «Қарағанды энергоорталығы» 12, «Астана
энерго» 16, «Алматы электр стансалары» 14, «Кентау сервис» коммуналдық
кәсіпорны 4 тәулікке дейін отын пайдалану мөлшерін асырған.
«Ал күз және қыс
мезгілінде қордағы отынды максималды түрде пайдаланғанның өзінде ара-қашықтығы
100 шақырым жерде шығын көлемі 10 тәулік қордан аспауы тиіс». Ведомствоның
баспасөз қызметі осылай хабар таратып отыр.
Жұрағат БАМАН
