Атышулы «Экспо» ісіне қатысы
бар тағы бір азамат Қуаныш Медеуов өзіне психологиялық қысым жасалғанын айтады.
Бүгін сот алдында жауап берген ол барынша ақталуға тырысты. Өзіне қоқан-лоққы
көрсетілгенін айтты. Тергеу мәліметі бойынша, Медеуов те Ермегияев бастаған
қылмыстық топтың құрамында болған. Испаниялық компанияның мүддесін қорғаған ол
тиісті құжаттарды реттеп, мемлекет қазынасына 1 млрд 75 млн теңге көлемінде
шығын келтірді деп айыпталып отыр.
«Астана ЭКСПО-2017» ұлттық компаниясына қатысты қылмыстық істі қарау
аяқталуға жақын. Сотқа тартылған 24 адамның 14-і кінәсін мойындады.
Айыпталушылардың қорғаушылары сотқа куәгер ретінде бірқатар жоғары шенділердің
де шақыртылуын сұрады. Олардың арасында Ұлттық банктің экс-басшысы Қайрат
Келімбетов, халықаралық көрменің комиссары Рәпіл Жошыбаевтар бар.
Ләйлә ҚАЗИАҚПАРОВА
