"Түгелдей суға батып кеткен кеменің
бортында тірі қалған адамдар бар". Паромда болған балалардың бірінің әкесі
осылай деп хабарлады. Ол өз баласынан смс-хат алған. Хабарламада кемеде бір неше адамның қалып қойғаны айтылып,
көмек сұраған.
Айта өтейік, Оңтүстік Кореяда бортында
400-ден астам адам бар кеме суға батып кетті. 180
адамды құтқару мүмкін болған. Өзгелерінің тағдыры белгісіз. Өйткені алып кеме
түгелдей суға кетті. Кемеде болғандардың басым бөлігі - оқушылар
мен мұғалімдер. Олар Чеджу аралына 4 күндік сапарға аттанған екен.
Алдын ала болжам бойынша, кеме су
астындағы тасқа соғылған. Тірі жандардың бар
екені белгілі болған сәттен 18 тікұшақ құтқару жұмыстарына жұмылдырылды.
Илхам ИБРАГИМ
