Ғылыми-техникалық инновация
саласында бәсекеге қабілеттілік рейтингі бойынша Қазақстан 84-орында. Бүгін Сенатта Білім мен
ғылымға негізделген экономика тақырыбында өткен отырыста Индустрия және жаңа
технологиялар вице-министрі Ерлан Кенжеғалиев осындай мәлімет келтірді.
Оның айтуынша, соңғы үш жылда үш
мың инновациялық жоба сүзгіден өтіп, 753-не 12 миллирад теңге қолдау
көрсетілген. Сондай-ақ 9,3 миллиард теңге қайтарымсыз грант 210 жобаның иесіне
тапсырылған. Нәтижесінде рейтингте 18 позицияға ілгерілеппіз.
Инновация бойынша өзге де әлемдік
рейтинг көрсеткіштеріне тоқталсақ, Қазақстан зерттеу институттарының сапасы
бойынша 102-орында, ғалымдар мен инженерлердің жеткіліктілігі бойынша 98-ші,
соңғы технологиялардың қолжетілімділігі бойынша 88-ші, Жоғары оқу орындары мен
өндірістің байланысы бойынша 79- орында.
Ерлан Сағадиев, ҚР Индустрия және жаңа технологиялар
министірінің орынбасары:
Бізден жиі сұрайды.
Әлемді жаулаған инновациялық өнімдерің қане деп. Біздің де жүрегіміз ауырады.
Барынша тырысып жатырмыз. Ондай өнімдер рейтінгтегі 10-15 орындағы елдерде шығатынын
түсінуіміз керек.
Мөлдір ДҮЙСЕКИНА
