Павлодарлық «Ертіс» ФК басшыларына
қастандық жасалды. «Ертіс» клубының директоры Хәлімжан Ержанов жалдап тұратын
пәтерінің алдында оның өзін және осы ФК-ның спорттық директоры Болат Ысқақовты
белгісіз біреулер соққының астына алған.
Беттеріне қара бетперде киген екі адам
павлодарлық футбол клубының жетекшілерін әдейілеп торуылдағанға ұқсайды. Олар зардап шегушілерді арматурамен ұрған.
Қазір Болат Ысқақов жан сақтау
бөлімінде жатыр, оған ота жасалған. Жағдайы
ауыр. Ал Хәлімжан Ержанов ауыр жарақаттарына қарамастан, ауруханаға жатудан бас
тартқан. Қазір бұл оқиғаға қатысты тергеу жүріп жатыр.
Илхам ИБРАГИМ
