Сайлау
кезінде еліміздің сайлау учаскелерінде Еxit-poll сауалнамасы жүргізіледі.
Әлеуметтік шара отандастарымыздың сайлау алдындағы белсенділігі мен көңіл-күйін
анықтауға мүмкіндік береді. Сондай-ақ олардың науқанға қатысты ой-пікірлерін
білуге бағытталмақ. Бұл туралы Бас
редакторлар клубының президенті хабарлады.
Бибігүл Жексенбайдың айтуынша,
зерттеуді «Медиа Консул» әлеуметтік агенттігі жүргізеді. Сауалнама облыс
орталықтары, шағын қалалар мен ауылдық округтердегі 225-ке жуық сайлау
учаскесінде өтеді. Бұл жұмысты атқаруға 250-ден астам сұхбат алушы тартылады.
Жиналған мәліметтер 21 наурызда сағат түнгі 12-ден кейін жарияланады.
Бибігүл
Жексенбай, Бас редакторлар клубының президенті :
Халықтың
сайлауға қаншалықты белсенді қатысып жатқандығы, ресми сайлау нәтижесіне
балама, көбінесе Еxit-poll-дың сайлау нәтижелері мен ресми сайлау нәтижелерінің
аралығын анықтап отыруға, БАҚ үшін, әртүрлі партиялар үшін, бақылаушылар үшін
толыққанды ақпарат береді.
Базаргүл ОТЫНШИЕВА
