Парламент
Сенаты депутаттарының сайлауына кандидаттарды тіркеу тәмамдалды. Бүгінде Сенат
депутаты болудан 88 адам үміткер. Бұл туралы Орталық сайлау комиссиясының
баспасөз хатшысы Венера Жексембекова мәлімдеді.
Үміткерлерді
ұсыну 31 тамызда тоқтатылды. Мәлім
болғандай, биылғы сайлауда ең көп үміткер Алматы қаласынан тіркелген. Барлығы 9
адам. Ал Ақтөбе мен Алматы облыстарынан - 7 үміткерден. Ақмола, Қарағанды және
Солтүстік Қазақстан облыстарынан және Астана қаласынан 6 үміткерден
ұсынылса, Жамбыл, Қызылорда, Маңғыстау,
Павлодар және Оңтүстік Қазақстан облыстарынан 5 адамнан, Атырау, Шығыс
Қазақстан, Батыс Қазақстан және Қостанай облыстарынан 4 үміткерден ұсынылыпты.
Венера
Жексембекова, ҚР Орталық сайлау комиссиясының баспасөз хатшысы:
Ұсыну
кезінде 15 кандидатты мәслихат депутаттары ұсынды. 73 азамат өзін-өзі ұсыну құқығын пайдаланды.
Ұсынған кандидаттардың ішінде 5 әйел азаматы бар. Мамандығы бойынша айта
кететін болсақ, 28-і инженер, 14 ауыл шаруашылығы қызметкерлері, 19-ы
экономист, 12 оқытушы, 10 дәрігер және 5 заңгерді құрайды.
Тоғжан ЖАЛҒАСБЕКҚЫЗЫ
