Бергей Рысқалиевтің командасы 8 жылдан
18 жылға дейін түрмеге отыруы мүмкін. Прокурорлар
соттан сыбайлас жемқорлық пен басқа да қылмыстарға қатысы бар деп айыпталып
отырған экс-әкім Рысқалиевтің командасына осындай жаза беруді сұрап отыр.
«КазАқпарат»-тың хабарлауынша, облыс
әкімінің бұрынғы бірінші орынбасары Болат Дәукеновке ең жоғары жаза - 18 жыл,
әкімнің тағы бір орынбасары болған Асқар Әбдіровке - 15 жыл, Атырау қаласының
экс-әкімі Асқар Керімовке, облыстық құрылыс басқармасының бұрынғы бастығы
Нұрлан Кенжебеков пен Энергетика басқармасының басшысы Бауыржан Жайсаңовқа - 14
жылдан, қалған сотталушыларға - 8-10 жылдан бас бостандығынан айыру жазасын
беру сұралды.
Қазір Атырау облысының бұрынғы әкімі
Рысқалиев ісі бойынша әлі сот қаралуда. Бас-аяғы 22 адам айыпталып жатыр. Экс-әкімге және тағы 8 адамға
мемлекетаралық іздеу жарияланған.
Илхам ИБРАГИМ
