Ив-Луи Даррикарер француздың Total компаниясының
бас директорының міндетін уақытша атқармақ. Бұл туралы The Financial Times басылымы
өз дереккөздеріне сілтеме жасап мәлімдеді.
Даррикарер бүгінде Total-дың энергетика және газ саласын басқарады. Сондай-ақ, ол
ресейлік «Новатэк»-тің директорлар кеңесіне
мүше. Мақалада компанияға басшылық етуге үмітті төрт адамның есімі жазылған.
Олар - Филипп Буассо, Патрик Пуянне, Арно Брильяк және Патрик де
ля Шевардье. Үміткерлердің барлығы компанияның лауазымды қызметтерін атқаруда.
Еске салайық, Total компаниясының
бұрынғы басшысы Кристоф де Маржери қазанның 21-іне қараған түні Мәскеудің
«Внуково» әуежайында болған ұшақ апатында қаза тапты. Мәскеу-Париж бағытында
ұшуға бет алған төрт орындық Falcon-300 ұшағы қар тазартқыш техникаға соқтығысып,
жарылып кетті. Апат салдарынан Total мұнай
компаниясының президенті мен экипаждың үш мүшесі қаза тапты.
Жұрағат БАМАН
