Үкімет
елдің экономикалық даму бағдарламысында екінші жарты жылдыққа белгіленген
жоспарларды бірінші жарты жылдыққа ауыстырады. «Бұл туралы Үкімет үйінде өткен жабық жиналыстан кейін Ұлттық экономика
министрі Ерболат Досаев мәлімдеді», - деп хабарлайды «Интерфакс».
Министрдің
айтуынша, жиында түрлі сценарийлер талқыланған. Үкіметті Иранның санкциядан
босатылуы да бей-жай қалдырмаса керек. Болжамдар әртүрлі. GP Morgan бұған дейін
мұнай баррелінің жылдық орташа бағасы 52 АҚШ валютасы десе, кеше 31-ге бір-ақ түсірген.
Ал ОПЕК 24 деп белгіледі.
Ерболат Досаев Үдемелі индустриалды-инновациялық
бағдаралама өзгеріске ұшырайтынын айтты. Жекешелендіру өткен соң, одан түскен
қаржының қай салаға бағытталатыны анықталады. Сондай-ақ, ауыл шаруашылығының
жай-күйі, азық-түлік өндірісі, импортты алмастыру жолдары талқыланған. Ал жалпы
ішкі өнім мен инфляция деңгейі әзірге бұрынғыдай қалады.
Мөлдір БАҚЫТҚЫЗЫ
