Астанада қарапайым студент
оқушыларға жоғары санатты мектептерге түсуге көмектесетін кітап шығарды. Жаңа
тәсілмен жазылған оқулық қазірдің өзінде ата-аналармен ұстаздар тарапынан үлкен
сұранысқа ие болған.
Кітап авторы - Назарбаев Университетінің төртінші
курс студенті Серікболсын Дүйсембай. Оның кітап шығаруға мектептегі
матетематиканы оқыту бағдарламасының әлсіздігі түрткі болған. Себебі қарапайым
мектептің оқушыларына бірден Назарбаев Зияткерлік мектебі мен Қазақ-түрік лицейіне
түсу қиынға соғады екен. Сондықтан жас ғалым қазақ тілінде математикадан
тесттің жаттығулар жиынтығын шығарған. Әзірге студент өз қаражатына тек 100
данасын жарыққа шығарған. Қазір ата-аналардың сұрауымен кітап орыс тіліне
аударылып жатыр екен.
Серікболсын Дүйсембай, кітап
авторы:
Бұл жерде менің ешқандай осы
кітаптан қалтамды қампайту емес, бұл жерде ең басты мақсатым - оқушыларға осы
қажетті материалдарды жеткізу болып табылады. Қазақтың қаракөз балалары
қалада ғана емес, ауылда да оқып жатқан талай дарынды балалар бар. Соларға осы
ақпараттар, осы оқу құралдары жетсе, деп ойлаймын. Білімі бар, математикаға
икемі бар жастарды бірігіп жұмыс жасауға шақырамын.
Кітапты шығаруға қаражатты
Серікболсын Дүйсенбай балаларға қосымша сабақ беріп жинаған. Сол кезде ол
елімізде арнайы оқулығы жоқ тапсырмаларды ағылшын тілінен қазақ тіліне аударып
оқытушыларға үйретуді бастапты. Білім берген балалардың 90 пайызына дейін
жоғарғы санатты мектептерге бірінші емтиханнан өткен. Жас ғалымның жаңа тәсілі
нәтижелі екенін баласы Назарбаев Зияткерлік мектебіне түскен ата-ана да
мойындап отыр.
Гүлмира Мұқажанова, ата-ана:
Мектептегі білімі баланың алған
жеткіліксіз. Ол қосымша мәлімет алу керек, қосымша білімсіз жеткіліксіз деп
ойлаймын. Көбінесе логикаға арналған есептер бізде, менің өзім де педагогпын, аз.
Орыс тілінде жеткілікті деп ойлаймын. Ал балаларға, мына мектептегі балаларға
қазақ сыныбындағыларға аз.
Берік ХАСЕНОВ
