Марокко
мемлекетінде клубтар арасында әлем чемпионаты жалғасуда. Дүбірлі жарыста сынға
түсіп жатқан Аргентинаның «Сан-Лоренцо» клубы ақтық сынға жолдама алды. Жартылай
финалда «Либертодорос» кубогының иесі Жаңа Зеландияның «Окленд» командасын ұтты. Бұл ойындағы алғашқы голды аргентиналық
футболшылар Баррьентостың көмегімен ашты. Қарымта шабуылға шыққан «Окленд» командасы үзілістен кейін есепті теңестірді. Голдың авторы - Берлангу.
Қалған
уақытта командалар жеңіс үшін барын салды. Бірақ, доп қақпаға дарымай, негізгі
уақыт 1-1 есебімен тең аяқталды.
Ал
экстра таймның басында сәтті шабуыл ұйымдастырған «Сан-Лоренцо» клубының еңбегі бағаланды. «Окленд» командасы қорғаушыларының
қателігін сәтті пайдаланған Матос командасын ақтық сынға алып шықты.
Енді
финалда «Сан-Лоренцо» командасы Мадридтің «Реал» клубымен бас жүлдені сарапқа
салады. Ақтық сын 20 желтоқсан күні Марракеш қаласының орталық стадионында
өтеді.
Самат ҚАНАҒАТОВ
