Қарағанды облысында заңсыз аң
аулағандар құрықталды. Қару-жарақ асынған 4 жігітті табиғат қорғау полициясының
өкілдері арнайы рейд кезінде қолға түсірген. Аңшылар мінген «Уаз-452» көлігі
Жезқазған-Ескіталап жолында тоқтатылды.
Тінту барысында Қызыл кітапқа енген
киік пен қоян табылған. Сондай-ақ, оқ-дәрілер мен пышақ, бірнеше мылтық
тәркіленді. Ұсталғандар киік аулауға шыққанын мойындап отыр. Қазір олардың
үстінен қылмыстық іс қозғалып, арнайы сараптама тағайындалды. Тергеу барысында
аңшылардың басқа да қылмыстарға қатысы бар-жоғы тексеріледі.
Болат Тәкішов, Қарағанды облыстық ІІД табиғатты қорғау
полициясының бөлім бастығы:
Барлығы тәркіленіп алынып,
зертханаға жіберілді. Іс шара бойынша тергеу амалдары жүргізіледі. Істің барысы
қосымша хабарланады.
Айжан ҚУАШ
