«Астана» телеарнасы жаңа жыл
кешінде өз көрермендеріне бұрын соңды болмаған думанды кеш ұсынады. Дәл қазір
«Жап-Жаңа жыл» жобасы эфирге дайындалып жатыр. Биылғы жылы жаңа жылдық жоба
әдеттегіден ерекше болмақ. Өйткені оның аясында танымал продюсер Баян Есентаева
тележүргізуші Динара Сәтжанмен бірге қызыққа толы телехикая түсірмек. Ал басты
рөлдерді Илья Ильин, Қайрат Нұртас, Жанар Дұғалова сынды 2014 жылда ерекше
көзге түскен азаматтар ойнайды. «Жап-Жаңа жыл» аясындағы сериалдың атауы қандай
болмақ және көрерменді тағы нендей қызықтар күтіп тұр? Түсірілім алаңында болып
қайтқан тілшіміз айтып береді.
Сәлем, сәлем прекрасная Баян.
Давно на съемках не была. Как там насчет крутого сериала, и как, вообще, идут
дела?!
Жұмыс қызып жатыр. Биылғы
«Жап-Жаңа жыл» жобасы әдеттегіден ерекше болады. Жоба аясында өнер әлеміндегі
танымал тұлғалар жаңаша қырынан көрінеді. Әнші де, спортшы да, тіпті саясаткер
де актерға айналмақ. Олар «Қыз ғұмыры», «Ұмытылмас» сынды танымал сериалдардың
Баян Есентаева ұсынатын нұсқасында ойнамақ.
Ты знаешь, это уже было в моем
любимом сериале «Қыз ғұмыры».
Ну, конечно, мы адаптацию сделаем. Это же
готовый сценарий Болливуда. Мы просто адаптируем его под Казахстан!
Талай фильм түсіріп, кең
танымал бағдарламаларды жүргізген Динара мен Баянның өзі де аң таң. Олар
отандық телеарналарда мұндай шоу болмаған деп отыр.
Динара Сәтжан, тележүргізуші:
Біз бүгін «Жап-Жаңа жыл» бағдарламасын түсіріп жатырмыз. Баян екеуміз РЭП оқимыз, кастинг өткізіп
жатырмыз. Бізге түрлі-түрлі әртістер келеді. Соның барлығын біздің көрермендер
31-і күні көре алады.
Ия, 31 желтоқсан күні шын
мәнінде қызық болады. Мысалы, Татарстандағы халықаралық байқауда жеңіске жеткен
Жанар Дұғалова бұл жобада «Титаник-Татарик» фильміне саундтрек түсіреді.
Нұрдәулет Шертім, әзілкеш:
Әзіл түрде, жеңіл, өте қызықты
сценалық тақырыптар өте көп. Оның кейбірінде мен де ойнаймын. Динара мен Баян
арасында, сосын сыртта түсрілімдер болады. Қызықты рөлдер көп-ақ.
Бұл күні Роза Рымбаева, Қайрат
Нұртас, «Мұзарт», Қайрат Байекенов, Бейбіт және «Кеш Ю» топтары әуезді
әндерімен әзілге толы кештің сәнін келтірмек. Музыкалық бағдарлама төрт
сағаттан астам уақыт әрбір отбасы үшін ұмытылмас әсер қалдырады. Көрсетілімді
көрермен 31 желтоқсан сағат 21-00-ден бастап тамашалай алады.
Ришат АСҚАРБЕК
