Бұдан былай ОПЕК мұнайдың әлемдік нарықтағы құнын қорғауға
қауқарсыз. Мұндай мәліметті шетелдік
ақпарат құралдарына сілтеме жасап, "ҚазТаг" агенттігі таратты.
Онда "Біз белгілі бір межені ұстап тұра алмаймыз" деген
Біріккен Араб әмірліктерінің Энергетика министрі Сухаиль аль-Мазруидің
ашық пікірі келтірілген.
Министрдің айтуынша, қара алтынның нарықтағы көлемінің тым молайып
кетуі, қатпарлы мұнай өндірісінің ұлғаюымен байланысты. Сондықтан, бірінші
кезекте Солтүстік Америкада қатпарлы мұнай өндіруді тоқтату керек, дейді ол.
Айта өтейік, бүгінде Brent маркілі мұнайдың бағасы баррельіне 45,24 долларға
дейін құлдырады.
Лейла ҚАЗИАҚПАРОВА
