Геннадий Головкиннің жаңа қарсыласы белгілі болды.
Халықаралық бокс федерациясының шешімі бойынша Головкин шаршы алаңға америкалық
Доминик Уэйдпен шығады. Бұған дейін қазақстандық боксшы Туреано Джонсонмен
кездеседі деген ақпар тараған-ды. Алайда Джонсон аяқ асты жарақат алыпты. Ал 25 жасар Уэйд бұған дейінгі жекпе жектерінде жеңіліп көрмесе де, карьерасын мінсіз деп айту қиын. 18 рет
қолғап түйістіргенмен, қарсыластарының арасында атақты боксшылар жоқ. Ал соңғы
қарсыласы Сэм Солиманмен ойында жеңісін әзер дегенде дәлелдеді. Америкалық
ақпарат құралдары Головкин мен Уэйд жекпе-жегінде Генаның ұтары сөзсіз
дейді.
Қазақстанның
ауыр атлетика құрамасы үшке бөлінді. Зілтеміршілер Олимпиада ойындарына
әзірленіп, алғашқы оқу-жаттығу жиындарына тарап кетті. Бір топ Сочи, енді бір
топ Варшаваға аттанса, соңғылары елде қалып жаттығуда. Бұл жөнінде федерацияның
баспасөз қызметі хабарлады. Құраманың бас бапкері Алексей Нидің айтуынша,
зілтеміршілердің көңіл-күйлері жақсы, ойынға қызу дайындық үстінде.
Ләйлә ҚАЗИАҚПАРОВА
