Қыс қаһары қайтқан жоқ. Синоптиктер болжамынша, бүгін Қазақстанның бірқатар
өңірінде жел күшейіп, боран соғады деп күтілуде. Республиканың солтүстігінде
фронтальдық ағындардың өтуіне байланысты тұрақсыз ауа райы сақталады,
жер-жерлерде қар жауып, тұман түсіп, көктайғақ болады.
Қазгидрометтің болжауынша, оңтүстік пен оңтүстік шығыстың кей жерлерінде
тұман болады. Жамбыл, Оңтүстік Қазақстан облыстарында тұман түсіп, секундына
15-20 метрге жететін жел соғады.
Солтүстік Қазақстан облысында боран соғады.
Ақмола, Қызылорда, Маңғыстау, Атырау облыстарында да жел тұрып, Алматы
облысының кейбір жерлерінде тұман түспек. Көктайғақ болады.
Ал, бүгін Астанада
минус 25 градус суық. Осыған орай мектептердегі 1-ауысымның 1 мен 4 сыныптары
үшін сабақ болған жоқ. Бұл туралы Астана әкімдігінің ресми сайты хабар таратты.
Т. ОСПАНБАЕВА
