Отандық
өнімге сұраныс артады. Бүгін Орталық Коммуникациялар қызметінде өткен брифингте
Ұлттық кәсіпкерлер палатасының басқарма төрағасы Абылай Мырзахметов - «Нұрлы
жол» бағдарламасы бойынша салынатын барлық объектілердің құрылысына отандық
өнімдер пайдаланылатынын хабарлады.
«Отандық құрылыс
материалдарының пайдаға асуын кәсіпкерлер палатасы өз бақылауына алады»,-
деді. «Дағдарысқа
қарсы бағдарламаның шаралары ауқымды. Оның ішінде «Нұрлы жол» бойынша 3 жылда
Ұлттық қордан 3 млрд АҚШ долларына жуық қаражат бөлінеді»,- деді
Мырзахметов. Оның ішінде кәсіпкерлікті
қолдауға «Даму» қоры арқылы 100 млрд теңге бөлінбек.
Қазір «Нұрлы жол»
бағдарламасына енгізіліп жатқан өзгерістердің арқасында - тағы да 100 млрд
теңге бөлінуі мүмкін. «Оның барлығы «Даму» немесе
«Бәйтерек» қорлары арқылы банктерге жетеді, банктер арқылы кәсіпкерлерге,
кәсіпорындарға көмек болады»,- деді палата
жетекшісі.
Абылай
Мырзахметов,
Қазақстан Ұлттық экономикалық палатасының басқарма төрағасы:
Дағдарыстағы
ең мықты шаралардың бірі -
біздің ұлттық
компаниялардың, мемлекеттік органдардың барлығының сатып алуларын іште
қалдыруға жұмылдыруға арналған жұмыс жасауымыз керек. Ол туралы нақты
бағдарламалар бар. Қазіргі уақытта бұл бағдарламаға 278-ге жуық кәсіпорын
кірген және оның саны көбеюде. Біз жан-жақтан берілетін сатып алуларды іште
қалдыратындай жағдайды қалай жасайтындығымыз туралы жоспар жасақтаудамыз.
Тоғжан ЖАЛҒАСБЕКҚЫЗЫ