Германияның Ораниенбург қаласында, «Заксенхаузен» Халықаралық фашистік
концлагерь тұтқындарын азат етудің 70 жылдығы аталып өтілді. Азалы жиынға мыңдаған
адам қатысты. Олардың қатарында аман қалған тұтқындар мен олардың
туған-туыстары, саясаткерлер де бар.
Германия Сыртқы Істер министрі Франк-вальтер Штайнмайер Германияның әлемде
орын алып жатқан қақтығыстардағы
жауапкершілігіне тоқталды. Тарихқа көз салсақ, 1936-1945 жылдар аралығында
Заксенхаузен концлагеріне 200 мыңнан астам адам тұтқынға түскен. Олардың 100
мыңнан астамы түрлі себептерге байланысты жазым болыпты. Лагерь Берлиндегі
Олимпиада ойындарынан кейін 1936 жылы құрылып, 45 жылдың сәуірінде кеңес
армиясымен бұзылды.
Франк-Вальтер Штайнмайер, Германия Сыртқы Істер министрі:
Сіздер зұлым тарихтың бүгінгі куәгерлерісіздер. Зұлмат күндерді
жадыларыңызда сақтау қаншылықты қиын екенін түсінеміз.
Ләйлә ҚАЗИАҚПАРОВА
