Астанада көз жанарынан айрылған пианист Саида Калыкова концерт берді. Кешке
жиылғандар ерекше өнерпаздың фортепианода орындаған шығармаларын ұйып тыңдады.
Бұл Саиданың алғашқы концерті емес. Өнерпаз бұған дейін Санкт- Петербургте,
Флоренцияда және еліміздің сахналарында 4 жеке концертін берген. Бүгінгі
классикалық музыка кешінде - Шуберт, Шопен, Гранадос және Жұбанов шығармалары
орындалды. Әдеттегідей концерт нотасыз өтті. Музыкант барлық шығармаларды
елітіп орындайды. Оған ноталарды жаттауға ұстаздары мен анасы көмектеседі. Бір
шығарманы үйрену үшін 3 күннен 1 айға дейін уақыт кетеді екен.
Көзінің кемістігіне
қарамастан, Саиданың Италияның Флоренция қаласында магистратура бітіріп
келгенін айта кетейік. Өнерге құштар жан «өмірімді музыкасыз елестете алмаймын»
дейді.
Саида Калыкова, пианист:
Қиын жағдайларда маған
көмектеседі музыка. Әрине, Қазақстанның атағын шығару өте қажет. Ол үшін біздің
әртісіміз шетелге бару керек. Солай біздің Қазақстанның атағы көтеріледі.
Тоғжан ЖАЛҒАСБЕКҚЫЗЫ
