Әуе апатынан аман қалған Әсем Шаяхметованың жағдайы жақсарып келеді. Ол
келесі аптада ауруханадан шығарылады.
Еске салайық, осыдан бір айдан астам
уақыт бұрын Жамбыл облысында АН-2 ұшағы апатқа ұшырады. Әуе кемесінде болған 7 адамның ішінде 1986 жылы туылған Әсем Шаяхметова
тірі қалған еді. Алдымен Шу қалалық ауруханасына, соңынан Астанаға жеткізілген Әсемге 9 ота
жасалды. Барлығы сәтті аяқталған. Қазір ол балдақтың
көмегімен жүріп жүр.
Апа сіздің батаңызды алып, мен жүре бастадым. Жақында үйге қайтам.
Нұржан Естемесов, Астанадағы №1 қалалық аурухананың травматологиялық пункт
меңгерушісі:
Операцияларының бәрі жасалып болды. Қазір 3 жұмадай болды, науқас өздігінен тұрып жүр. Реабилитациялық ем
біткеннен кейін 4-5 айдан кейін жұмысқа шығуына болады.
Ауруханадан шыққан соң Әсем сынған сүйектері толық жазылғанша, 1 жыл бойы дәрігерлер бақылауында болуы тиіс. Ал
үйінде емдік гимнастика мен жаттығулар жасайды. Қазір науқастың көңіл-күйі де
өте жақсы. Толық жазылғанша, ол Астанада боламын деп
отыр.
Әсем Шаяхметова:
Дәл қазір жағдайым жақсы. Дәрігерлердің арқасында тез жазылып келе
жатырмын. Өз еркіммен жүруге тырысып жүрмін. Бар арманым - тезірек өз аяғыммен
жүріп кету. Толық жазылған соң, бұрынғы жұмысымды
жалғастыратын боламын.
Тоғжан ЖАЛҒАСБЕКҚЫЗЫ
