«Болашағы біртұтас ұлт». «Нұр отан» партиясының 16 сьезінде Президент
Нұрсұлтан Назарбаев ұсынған бес реформаның бір тармағы ұлтаралық келісім
мәселесін қамтиды. Осы орайда жиын делегаттары бүгін өз ойларын ортаға салды.
Президент: «Қазақстанның барлық азаматтары үшін шектеулерсіз тиімді әлеуметтік
лифттерді қамтамасыз ету қажет. Қазақстандықтар жаңа жалпыұлттық құндылықтарды
- құқықтық үстемдік пен мемлекеттік дәстүрді - өздерінің этностық мінез-құлық
модельдерінен жоғары қоюы керек», - деген болатын. Осыған орай Ассамблея
мүшелері де өз пікірін білдірді.
Төлеген Мұхамеджанов, композитор,
Қазақстан халқы Ассамблеясының мүшесі:
Шынында, біз аға халықпыз -
қазақ халқы. Сондықтан өзіміздің осы елде бірге тұрып жатқан халықтардың
өкілдерін өзіміздің елдің патриоты ретінде, бізбен бірге еліміздің болашағын
салатын азаматтар ретінде қабылдауымыз керек.
Мөлдір БАҚЫТ-ҚЫЗЫ
