Наурыз
мерекесі күндері Өскемендегі бас алаң қолөнершілер қалашығына айналды. Киіз бен ағаштан, күмістен және сүйектен жасалып, ою-өрнекпен көмкерілген
бұйымдар қала тұрғындарының назарын аударды.
Бұл күндері ағаштан түйін түйген
қолөнер шеберлері, сондай-ақ, белгілі зергерлер өскемендіктерге өз жұмыстарын
ұсынды. Мектеп қабырғасында ұлттық өнердің әліппесін таныған оқушылар
жәрмеңкеге алғаш рет қатысып отыр.
Ұстаздардың айтуынша бастысы, салт-дәстүрді
ұмыт қалдырмау.
Елизавета Кузнецова:
Біз мұны арнайы наурызға
әзірледік. Адамдар
қызықтап өзіне керегін таңдап алу үшін. Ұлттық қолөнерді ұмытпау, ұлттық
мейрамдарды ұлықтау маңызды. Барлығыңызды Наурыз мерекесімен құтықтаймын.
Мөлдір ДЮСЕКИНА
