«Ұйқы ауруы» дертімен бүкіл
республикаға танымал болған Ақмола облысындағы Калачи ауылының әкімі қызметінен
кетті. Есіл ауданының басшысы Аманбек Қалжанов оны лауазымынан босатты, -деп
хабарлады Интерфакс Қазақстан.
Қалжановтың айтуынша, «Калачи әкімінің
жұмыстан кетуіне облыстық тәртіптік кеңестің шешімі негіз болған. Яғни, ауыл әкімі
жер телімдерін заңсыз таратқан комиссия мүшелерінің арасында болып, құжаттарға қол
қойған.
Сыбайлас жемқорлық әрекеті үшін осыған дейін Есіл ауданындағы бірнеше
шенеунік қызметтен қуылған еді. Алайда, Калачи басшысы Сәдуақасова «ұйқы ауруына» шалдығып, тәртіптік
кеңестің алғашқы жиынына келе алмаған.
Базаргүл ОТЫНШИЕВА
