Қызылорда
облысында аулауға тиым салынған жануарлардың мүйізін тиеген қарақшылар тобы
ұсталды. Арнайы рейд кезінде, табиғатты қорғау полициясының қызметкерлері
Сырдария ауданы Тасбұлақ елді-мекені маңында екі көлікті тоқтатады. Оларды
тексеру кезінде киік пен оның мүйіздерін тәркілеген. Заңсыз ауланған киіктерді
тиеген «Тойота
Лэнд Крузер»
және «УАЗ»
маркалы 2 автокөліктің ішінде болған 5 адам - жергілікті тұрғындар. Екі
көліктің салонынан 12 дана мүйіз, 5 киіктің тушасы табылды. Одан бөлек, аңшы
мылтықтары да айғақ зат ретінде табылып отыр. Енді қарақшылар тобы заң
алдында жауап береді.
Гүлжахан
Қайырбергенова, Қызылорда
облысы ІІД бөлім басшысы:
Қазіргі
таңда осы дерекке қатысты қылмыстық іс қозғалып, анықтау басқармасымен екі бап
бойынша қылмыстық іс жүргізілуде. Қазақстан Республикасы Қылмыстық Кодексінің
339 бабы және Қазақстан Республикасының Қылмыстық Кодексінің 337 бабының 3
бөлігімен қылмыстық іс қозғалып, тиісті сараптамалар тағайындалып,
тергеп-тексеру жұмыстары жүргізілуде.
Шарипа САҚТАПОВА