Ал бұл кезде Непалдағы жойқын
зілзала құрбандарының саны 8 413 адамға жетті. Тағы 260 адам әлі күнге
дейін із-түссіз жоғалғандар санатында. Бұл жөнінде Times of India басылымы
хабарлайды.
Соңғы деректерге қарағанда, 7,9
баллдық дүмпуден 17 600-дей адам зардап шеккен. Непалдағы алапат жер сілкінісі 25 сәуір күні
ел орталығы Катманду қаласы маңында болды. 7,9 баллдық дүмпуден кейін болған
кезекті тербеліс күші 6,7 баллға жеткен.
Ал мемлекет астанасы төңірегінде қазір
баспанасынан айрылған мыңдаған непалдықтар шатыр тігіп күнелтіп жатыр. Адамдар
қайырымдылық көмектің дұрыс жеткізілмегеніне наразы. Олар сондай-ақ жәрдем
ретінде келіп жатқан тұтыну заттары мен азық-түліктің дұрыс бөлінбейтінін айтып
шағымдануын тоқтатар емес.
Базаргүл ОТЫНШИЕВА
