БҰҰ АҚШ-тағы адам құқығына қатысты мәселелерді сынға алды. Бұл ақпаратты Ресей Сыртқы істер министрлігінің сайты таратты. Мәлімдемеде көрсетілгендей, БҰҰ-на қарасты мемлекеттер Американың Фергюсон, Балтимор қалаларында орын алған нәсілшілдік пен полиция тарапынан жасалып отырған заң бұзушылықты анықтаған. Сонымен бірге БҰҰ «АҚШ терроризмге қарсы күресті сылтау етіп, адам құқықтарын сақтамай отыр» деп мәлімдеді. Вашингтон Гуантанамадағы түрмені де әлі жапқан жоқ. Ол жерде адам құқықтары тапталып, ондаған адам әділетсіз түрде қамауда отыр деп хабарлайды Ресей Сыртқы істер министрлігі. Сондай-ақ, АҚШ-тың ұшқышсыз басқарылатын ұшықтары шабуылының салдарынан бейбіт тұрғындардың зардап шеккені айтылады. Ұйымның ақпарына сәйкес Құрама Штаттар әлі күнге дейін балалар құқығын сақтайтын Конвенцияға әлі қосылмаған.
Самат
ҚАНАҒАТОВ
