Біріккен
Араб Әмірліктері билігі темекі сатуға 24 сағатқа тыйым салды. Бұл елде 2010-
жылдан бері дүниежүзілік табаксыз күн шарасы аталып өтіледі. 1-маусымда Дубай
шенеуніктері қоғамды салауатты өмір салтын қалыптастыруға үндеді. Осы күнді
белгілеудегі мақсат - шылым шегушілердің
азаймай отырғанына әлемдік қауымдастықтың тағы назарын аудару, сондай-ақ
темекінің адам ағзасына тигізер залалын еске салу. Қазір 5 миллион 400 мың адам
жыл сайын темекі салдарынан болатын аурулардан көз жұмады деген дерек бар.
Алдын-ала болжам бойынша, 2030- жылы бұл көрсеткіш 8 миллионға жетуі мүмкін.
БАӘ Дүниежүзілік денсаулық сақтау ұйымының
темекімен күрес конвенциясына 2003-жылдың 24- маусымында қосылған
болатын. Сондай-ақ Араб елінде темекіге қарсы Заң да бар. Оған сәйкес
1-қаңтардан бастап, темекі қорабында адам денсаулығына кері әсері жайлы
графикалық ескертуі болуы міндеттелді.
Ерфан
Ахмад, дүкен иесі:
Бұл
жақсы бастама. Үкіметтің бұл шешімін қолдаймын. Шылым шегудің қаншалықты зиян
екенін айтпаса да түсінікті. Денсаулықты құртады. Қанша қаражат жұмсалады.
Қысқасы темекіден еш пайда жоқ. Үкіметтің бұл шешімі жақсылықтың нышаны.
Сондықтан шылым шегетін әр азамат бұл індеттен арылуы қажет.
Самат
ҚАНАҒАТОВ
