Астанада Жастар саясаты басқармасының қолдауымен «Менің Қазақстаным - менің
Астанам!» атты шара ұйымдастырылды. Патриоттық акцияға бес мыңға жуық елордалық
белсенді жастар қатысты. Мерекелік бағдарлама аясында автошеру өтті.
Олимпиада
чемпионы Серік Сапиев бастаған топ көліктерден көк туды желбіретіп, «Мәңгілік
Ел» алаңынан бастап Астананың орталық көшелерін аралады. Рәміздер эстафетасына
Ольга Шишигина секілді танымал спортшылар мен қазақ эстрадасының жұлдыздары да
қатысты. Эстафета соңында көк туымыз мерекелік шара өтіп жатқан орталық
саябаққа жеткізілді. Акция соңы концерттік бағдарламаға ұласты.
Бақытжан Жүнісбеков, Астана қаласы жастар саясатын қолдау мемлекеттік
қорының директоры:
Белсенді жастар, халық қалаулылары көк байрағымызды желбіретіп, «Патриотизм толқынында» атты іс-шараға қатысты. Негізгі мақсат - отан
сүйгіштікке баулу, қазақстандық патриотизмді насихаттау, мемлекеттік рәміздерге
деген құрметті нығайту және жастарға патриоттық тәлім-тәрбие беру.
Жұрағат
БАМАН
