Сайлаушылар Қазақстанның кез келген жерінде жүрсе де, дауыс бере алады. Тек тұрғылықты
мекен-жайынан есептен шыққандығы туралы куәлігі болса болғаны. Бүгін Орталық
сайлау комиссиясында есептен шығару куәліктерін беру тәртібі түсіндірілді.
Куәлік сайлаушыға немесе сенімхат бойынша оның сенімді өкіліне беріледі.
Үлестіру 19-ы күні кешкі 18:00-де аяқталады. Ең бастысы, есептен шығару
куәлігін алған сайлаушы келген жеріне бірден тіркеуге тұруы керек. Дауыс беру
20-сы күні барлық бөлімшелерде жергілікті уақыт бойынша таңғы 7-ден кешкі
20.00-ге дейін жүреді.
Марат
Сәрсембаев, ҚР Орталық сайлау комиссиясының мүшесі:
Егер
сайлау күні дауыс беруші мүгедектік немесе отбасының сырқат мүшесіне күтім
жасаған жағдайда, сондай-ақ сайлау учаскесі құрылмаған жағдайда, қатынасуы қиын
жерде болғанда, сайлау учаскесіне келе алмайтын болса, ол учаскелік сайлау
комиссиясына үйде дауыс беруді ұйымдастыруға өтініш жасауға құқылы.
Құралай ПИОНЕР
