Ал, бұл уақытта Есеп комитеті қыруар қаржыны ысыраптаған Ұлттық экономика министрлігін айыптап жатыр. «Нұрлы жол» вокзалының құрылысы бюджетке 30 миллиард теңгеге қымбатқа түскен. Себеп, қаржы-экономикалық құжаттар сапасыз жасалыпты. Басында жоба құны 210 млрд теңгені құраған. Алайда, кейінірек ол 243 млрд теңгеге дейін өсті. Және құрылыс-монтаж жұмыстарының 36%-ы ғана пайдалануға берілгенін атап өтті. Сондай-ақ, 50 млн.теңгеге арнайы жабдықтар орнатылмаған. Мүгедектерге арналған ақпараттық-сигналдық құрылғылар жұмыс істемейді. Оған қоса, құрылысына 20 млн теңге жұмсалған қысқы залдар пайдаға жарамай тұр.
Константин ПЛОТНИКОВ, ЕСЕП КОМИТЕТІНІҢ МҮШЕСІ:
Аудит қорытындысы бойынша 963,5 млн. теңгеге қаржылық бұзушылықтар анықталды, оның 333,5-і орнына қайтарылды. Сондай-ақ, тиімсіз пайдаланылған қаражат 280,5 млрд теңгені құрады. 146 процедуралық заңбұзушылық, 27 жүйелік кемшіліктер анықталды.
Ә. Өмірзақ
