Қазақстандықтар наурыз айында 14 күн демалады. «Е-гов» порталындағы мерекелік күндер күнтізбесінде осылай белгіленген. Наурыз айында екі бірдей ірі мереке бар. Халықаралық әйелдер күні - жұма күнге түсіп тұр. Сенбі, жексенбіні қосқанда 3 күн қатарынан демалыс болып белгіленген. Ал, Ұлыстың ұлы күнін тойлау үшін 3 күн беріледі. Заңда осылай бекітілген. Ол 21-і мен 23-і наурыз аралығы. Бұл бейсенбі, жұма, сенбі күндері. 23-і «сенбіге» келгендіктен дүйсенбі демалыс күні болып белгіленген. Бұл кезде қазақстандықтар ұлттық мерекені 5 күн қатарынан тойламақ. Осылайша, наурыз айында 14 күн демалыс болса, 17 күн жұмыс істейді екенбіз.
Г. Меңдеева
