Ал, Тайландта қауіпті аумақта шамамен 600-ге жуық қазақстандық туристер жүр. Бұл туралы қауымдастық төрайымы Рашида Шәйкенова айтты. Оның дерегінше, отандастырымыздың басым бөлігі Пхукет, Паттая және Краби қалаларында.
Рашида ШӘЙКЕНОВА, ҚАЗАҚСТАН ТУРИСТТІК ҚАУЫМДАСТЫҒЫНЫҢ ТӨРАЙЫМЫ:
Болжам бойынша шамамен 600-ге жуық Қазақстан азаматы Тайландта демалып жатыр. Мерекені пайдаланып 10 күндік сапарға аттанғандар өте көп. 24 сағат ішінде ешқандай төтенше оқиға болмаса, қауіп сейіледі деп отырмыз.
Еске салайық, 23-ші наурызда Андаман аралында 5 балдық жер сілкінісі тіркелді. Ізінше Тайландтың Пхукет провинциясынан 630 шақырым жерде жер тербелісі қайталанды. Цунами болады деп, алаңдаушылық білдірген Тайланд билігі 6 бірдей қалада қауіп-қатер жоғары екенін ескертті. Еліміздің Сыртқы істер министрлігі де қазақстандықтарға елшілікке хабарласу жөнінде ескерту жасап жатыр.
О. Нұржақып
