7-20-25 бағдарламасымен несие алғысы келгендер бастапқы жарнаны 20 пайыздан артық құя алады. Ұлттық банк жеңілдетілген ипотека шарттарына осындай өзгеріс енгізді. Ақпаратты "Баспана" ипотекалық компаниясының баспасөз қызметі таратты. Өзгеріс 1-ші шілдеден бастап енгізіледі. Бұл қарыз алушылардың несие алуын жеңілдетіп, негізгі қарызды тез өтеуіне мүмкіндік береді. Ал банктер үшін несие тәуекелі төмендейді. Қазір жеңілдетілген бағдарламамен ипотеканы 8 банк беріп жатыр. Ол осыдан бір жыл бұрын бекітілген еді. Осы аралықта 7-20-25-пен несие алғысы келген 8 мың адамнан өтініш түскен.
Г.Меңдеева
