Спорт Қазақстан
$448.15 €483.46 ₽4.86
×

Қызылорда жастары айтысты жаңғыртуды ұсынды

AstanaTV
10.07.2019ж. 20:00
2680
Қызылорда жастары айтысты жаңғыртуды ұсынды

Айтыстың жаңа форматы! Қызылорда жастары «Нұр Отан» партиясы төрағасының бірінші орынбасарымен кездесуде ұлттық өнерді жаңғырту жолдарын ұсынды. Кездесуде бала күннен қаржылық сауаттылықты арттыру, отандық мультипликацияны дамыту мәселелері де қозғалды. Бауыржан Байбек қатысқан аймақтағы партиялық конференция туралы Абай Сейфулланың материалы.

Қызылорда жастары партия төрағасының бірінші орынбасарымен кездесуге бірнеше ұсыныс дайындаған. Соның бірі - жоғары сынып бағдарламасына қаржылық сауаттылық пен экономика пәнін қосу. Ал мектепке дейінгі дайындық мекемелерінде қазақ тіліндегі мультфильмдер санын арттыру керек деп есептейді. Бұл ретте анимациялық туындылардың тәрбиелік мәні зор болуы тиіс. Бауыржан Байбек әсіресе айтысты жаңғыртуға қатысты ұсынысты ерекше қолдайтынын білдірді.

Бауыржан БАЙБЕК,  "NUR OTAN" ПАРТИЯСЫ ТӨРАҒАСЫНЫҢ БІРІНШІ ОРЫНБАСАРЫ:  

Айтысты қолдаймыз. Елбасы айтты, "Nur Otan" партиясы - халықтың партиясы. Біз айтпай-ақ , "Nur Otan" партиясы халықты біріктіру керек. Елбасы тапсырмасымен айтысты қолдадық. Қазір де оны әрі қарай жаңғыртамыз. Бірінші айтыс күзде бізде Алматыда басталады. Қаражат мәселесі шешілді. Ай сайын айтысты өңірлерде өткіземіз.

Қызылордадағы 25-і кезектен тыс конференцияда Бауыржан Байбек партия қатарын сауатты кадрлармен толықтыруды тапсырды. Қоғамдық қабылдаудың беделін арттырып, халықпен формальды түрде емес, ашық кездесулер өткізіңдер деді.  

Бауыржан БАЙБЕК, «"NUR OTAN" ПАРТИЯСЫ ТӨРАҒАСЫНЫҢ БІРІНШІ ОРЫНБАСАРЫ:  

Әлеуметтік желіде де үнсіз қалуға болмайды. "Нұр Отан" проблемалық мәселелер туралы уақытында пікір білдіріп. Өз позициясын нақтылап отыруы керек. Халықтың сауалдарына жауап беру керек. Партия сынауды, сынды қабылдауды үйреніп, мәселені елмен талқылауы тиіс. Партияның өз ішінде елді алаңдататын маңызды проблемалардың шоғырын қалыптасқаны қажет.

Жиында облыстық партия филиалының жаңа төрағасын сайлады. Енді оны Қызылорда облысының жаңа әкімі Қуанышбек Ысқақов басқарады. 

А. Сейфулла