Спорт Қазақстан
$448.15 €483.46 ₽4.86
×

Нұр-Сұлтанда Түркістан облысы ауыл шаруашылығы өнімдерінің жәрмеңкесі өтті

AstanaTV
02.09.2019ж. 20:00
3647
Нұр-Сұлтанда Түркістан облысы ауыл шаруашылығы өнімдерінің жәрмеңкесі өтті

Нұр-Сұлтанда Түркістан облысының ауыл шаруашылық жәрмеңкесі өтті. Оңтүстіктен солтүстікке 275 тонна өнім жеткізілген. Биыл осымен үшінші мәрте өткен шараға 40-қа жуық тауар өндіруші тартылыпты. Ауыл шаруашылық жәрмеңкесін біздің тілшілерімізде аралап қайтты. 

Жәрмеңкеге көкөніс пен жеміс-жидектен бөлек, ет, сүт, балық өнімдері де жеткізілген. Баға, мұнда базарға қарағанда 10-15 пайызға төмен, дейді шара ұйымдастырушылары. Бұл жолы елордаға жалпы соммасы 123 миллион теңгеден асатын, 275 тоннаға жуық тауар жеткізелген.  

- Арзандау, жақсы. Сапасы, барлығы жақсы.  

- Мен енді әжептеуір дүние алдым. Қызанақ та алдым, чеснок та алдым, тағы басқа дүниелерді алдым.  

Жәрмеңкеге Түркістан облысы әкімі Өмірзақ Шөкеев пен Нұр-Сұлтан қаласының әкімі Алтай Көлгінов те қатысты. Өнімдердің арзан саудалануын аймақ басшылары жіті қадағалауына алған.  

- Қалай алып жатыр ма? Қаншадан сатып жатсыздар?  

- 1700, 1800 болып жатыр.

Айта кетсек, бұл Түркістан облысының ел астасында өткізіп отырған ауыл шаруашылығы өнімдерінің үшінші жәрмеңкесі. Ұйымдастырушылар мұндай жәрмеңке тек қала тұрғындарына ғана емес, сондай-ақ шаруалардың өзіне де тиімді дейді.  

Нұрбек БАДЫРАҚОВ, ТҮРКІСТАН ОБЛЫСЫ АУЫЛ ШАРУАШЫЛЫҒЫ БАСҚАРМАСЫНЫҢ БАСШЫСЫ:  

Бұл жерде тікелей шаруа өзінің өндірген өнімін ортадағы алып-сатарларсыз тікелей қала тұрғындарына сатып отыр. Яғни ортадағы алып-сатарлар болмағандықтан баға арзан әрі біздің шаруларға да қайда өткіземін демейді, тіке осы жәрмеңкеге келіп өнімін өткізіп жатыр.

Жаздың соңғы күнінде қалың киінген нұр-сұлтандықтарға, түркістандықтандар арзан бағадағы өнімдерден бөлек, ерекше көңіл- күй сыйлады. Әннен шашу шашқан өнерпаздар арасында елге танымал жұлдыздар да бар.  

Ә. Өмірзақ