Болашақ
офицерлер Қарттар күніне орай қарияларға тосынсый әзірледі. Ардагерлерге
арнап республикалық «Жас Ұлан» мектебінің түлектері «жылы жүздесу»
ұйымдастырған. Мерекелік бағдарлама аясында оқу орнында арнайы экскурсия өтті.
Жинағандар сондай* ақ мерекелік концертті
тамашалады. Қамкөңіл жандар үшін мерекелік дастархан жайылып, арнайы кәдесыйлар
табысталды.
Кездесу «Нұр Отан» партиясының бастамасымен «Қарттарым
аман-саумысың?» акциясы аясында ұйымдастырылып отыр. Бұл партияның үлкенге
құрмет көрсету тұрғысындағы ауқымды жобаларының бір бөлігі ғана. Ата-апалар: «Жастармен жүздесіп, әңгіме дүкен
құру арқылы бір серпіліп қалдық», -дейді.
Амантай Жарболсынов, «Жас Ұлан» республикалық мектебі басшысының орынбасары:
«Нұр
Отан» партиясының қолдауымен осындай үлкен шараға бет бұрдық. Бүгінгі таңда
қарттар үйінен 22 атамыз бен апаларымыз келіп, мектебіміздің төрінде отыр.
Осындай ақсақалдарымыздан бата алғанымызға өте қуаныштымыз.
