Елбасы Нұрсұлтан Назарбаев Түркістанға барды. Тұңғыш Президент сапар барысында қаланың бірқатар жаңа нысандарын аралап шықты. Олардың арасында «Самұрық-Қазына» акционерлік қоғамының қолдауымен салынған жаңа спорт нысаны және концерттер мен театрландырылған қойылымдарға арналған көп функционалды мәдени нысан бар. Осы жерде Нұрсұлтан Назарбаевқа «Жаңарған Ел – бақ қонған Ел» бейнеролигі көрсетілді. Бұдан бөлек Елбасы киелі шаһардағы жаңа халықаралық әуежайдың ашылу салтанатына қатысты.
А. Данияр
