Елдің батысын құмды дауыл әбігерге салуда. Шаңды жел салдарынан жол қатынасы қиындап, Маңғыстау облысындағы "Жетібай – Шетпе» бағытында жол апаты тіркелді. Түк көрінбейін шаңнан Toyota Camry, Daеwoo Nexia жеңіл автокөліктері, жүк автокөлігіне соғылған. Абырой болғанда ажамдар дін аман. Кеше кешкісін Бекі және Жетібай ауылдарының аралығында барлық көлік түрлеріне қатынас уақытша тоқтатылған.
Атырауда қатты дауыл тұрып, шаһарды тұтас шаң басты. Желдің екпіні секундына 23 метрге дейін көтеріліп, жаяу жүргіншілердің қозғалысы қиындады. Төтенше жағдайлар департаменті, қала халқына барынша сақ болуға шақырады. Тіпті бұл дауылдың болатынын екі күннен бері СМС хабарлама арқылы құлақтандыруда. Әзірге бүлінген ғимарат, зардап шеккендер туралы ақпарат жоқ. Дегенмен синоптиктер бұл құбылмалы ауа-райы, апта аяғына дейін созылуы мүмкін,- деп отыр.
Мейіргүл АҒИЛЯЖОВА, «ҚАЗГИДРОМЕТ» РМК АТЫРАУ ФИЛИАЛЫНЫҢ СИНОПТИГІ:
Жақын арада біздің аймақ солтүстік-батыс циклонының әсерінде болады. Тұрақсыз ауа-райы күтілуде. Облыстық кей жерлерінде жаңбыр жауады. Оңтүстік шығыстан екпінді жел соғып, 15-20 метр секундқа дейін көтеріледі.
Б. Надірқызы
