Қостанай полицейлері ірі көлемде есірткі тасымалдаған топтың жолын кесті. Олар Тобыл өңіріне оңтүстіктен заңсыз тауары жеткізумен айналысқан. Қылмыстық топты ветеринар маман басқарып отырған.
Күдіктілерді ұстау операциясы еліміздің 3 өңірінде бір мезетте жүргізілді. Жедел іздестіру шарасы барысында қылмыстық топты басқарған 51 жастағы облыс тұрғыны анықталды. Оның мал дәрігері болып жұмыс істегені белгілі болды. Ветеринар маман өзінің 5 ауылдасын және Жамбыл облысынан 67 жастағы зейнеткерді есірткі саудасына тартқан. Қылмыстық құрамға елордалық тұрғын да енген. Жалпы жыл басынан бері аймақта 130-дан астам қылмыстық іс қозғалып, 17 келі есірткі тәркіленіпті.
Айгүл ЕРӘДІЛОВА, ҚОСТАНАЙ ОБЛЫСТЫҚ ПД ЕСІРТКІ ҚЫЛМЫСЫНА ҚАРСЫ ІС-ҚИМЫЛ БАСҚАРМАСЫНЫҢ ЖЕДЕЛ УӘКІЛІ:
ҚР Қылмыстық кодексінің 297 бабының 3 бөлімі бойынша, бұл бапта 15-20 жылға дейін немесе өмір бақи бас бостандығынан айыру қарастырылған.
З. Санай
