Спорт Қазақстан
$449.58 €486.94 ₽4.86
×
Реклама на сайте

Семейде вирустың өршуіне жол берген шенеуніктерге сөгіс жарияланды

AstanaTV
26.04.2021ж. 20:00
1386
Семейде вирустың өршуіне жол берген шенеуніктерге сөгіс жарияланды

Семейде бірнеше шенеунікке қатаң сөгіс жарияланды. Мұндай шешімді облыс әкімі Даниал Ахметов қабылдады. Себебі өңірде короновирустан қаза тапқандардың саны күрт өскен.  Бұл сала мамандарының жауапсыздығынан,-деді әкім. Жыл басынан бері облыста 25 адам өлімі тіркелсе, соның 23-і Семей қаласының тұрғыны. Сондай-ақ арнайы комиссия қаланың медициналық мекемелерінен бірқатар заң бұзушылықтарды анықтаған. Осыған байланысты денсаулық сақтау басқарма басшысының орынбасары мен жұқпалы аурулар ауруханасының бас дәрігеріне  қатаң ескерту жасалды.  

Даниал АХМЕТОВ, ШҚО ӘКІМІ:

Семейге облыс әкімі аппараты басшысының орынбасары Ілияс Мұхамеджан бастаған жұмыс тобын жіберемін. Ол қала "жасыл" аймаққа шыққанға дейін сол жерде жұмыс істейтін болады. Сондай - ақ, бұл топқа әрбір өлім жағдайы бойынша тағы да егжей-тегжейлі тергеу жүргізуді тапсырамын!


Жалпы елдегі жағдай әлі күрделі. Соңғы тәулікте 2716 адамнан коронавирус инфекциясы анықталған.  Қазақстан өңірлеріндегі эпидемиологиялық жағдайды бағалау матрицасына сәйкес  10 өңір   "қызыл аймақта".

Ғ. Өтемісов